2004 թվականից Հայաստանի բոլոր մարզերի դպրոցներում ՀԱՆ-ի բժշկական առաքելությունների շրջանակներում ակնային զննում է անցել 201,128 երեխա: Այն ներառում է Լոս Անջելեսի մանկական հիվանդանոցի հետ գործակցությամբ Հայաստանի 60 դպրոցների 22,669 դպրոցականների ակնային զննումը (2018-2019թթ.): Երեխաներից 4,300-ը ուղեգրվել են ակնաբուժական մասնագիտացված կենտրոններ՝ խորացված հետազոտության: Իրականացվել է ընտրանքային հետազոտություն (5,994 երեխա)՝ բացահայտելու ակնային հիվանդությունների տարածվածությունը 6-ից 15 տարեկանների շրջանում: ԱՄՆ-ի Միջազգային զարգացման գործակալության հետ գործակցությամբ շուրջ 6,400 երեխայի ակնային զննում է իրականացվել, որոնց շուրջ 25%-ն ուղեգրվել է ակնաբուժական մասնագիտացված կենտրոններ՝ հետագա հետազոտության եւ բուժման համար: